Лiнгваметадычныя асновы вывучэння назоунiка на уроках беларускай мовы у пачатковых класах

УВОДЗІНЫ
Сучасная школа ставіць задачу ўзмацніць практычную накіраванасць навучання, максімальна выкарыстаць яго для інтэлектуальнага развіцця асобы. У гэтай сувязі ўзрастае роля граматычнай часткі школьнага курса беларускай мовы, якая павінна забяспечыць не толькі сістэму практычных ведаў, але і трывалыя навыкі актыўнага валодання мовай як вуснай, так і пісьмовай.
У працэсе вывучэння роднай мовы школьнікам неабходна засвоіць яе гукавую сістэму, лексіку i граматыку, а таксама ўмовы фарміравання i функцыянавання іх у маўленні.
Сувязь слоў у словазлучэнні i сказе ажыццяўляецца дзякуючы таму, што словы могуць змяняць сваю форму. Вучэнне аб слове i яго формах, сувязі слоў у словазлучэнні i сказе – гэта граматыка. Граматыка ўключае ў сябе марфалогію (вучэнне пра слова i яго формы, пра лексіка-граматычныя класы слоў) i сінтаксіс. Без ведання спосабаў словазмянення вучні не змогуць паспяхова авалодаць матэрыялам па сінтаксісе, бо, як вядома, правілы спалучэння слоў у словазлучэнні i сказе пераважна грунтуюцца на здольнасці слова змяняцца, г. зн. скланяцца i спрагацца. 3 марфалагічным саставам слоў, ix змяненнем цесна звязаны шматлікія арфаграфічныя правілы, якія немагчыма добра засвоіць без ведаў пра граматычную прыроду часцін мовы [6, c. 282].
Школьны курс марфалогіі дапамагае вучням практычна авалодаць навыкамі вуснага i пісьмовага маўлення, выразнага чытання, арфаграфічнымі, пунктуацыйнымі, стылістычнымі ўменнямі [6, c. 282-283]. Знаходжанне аптымальных варыянтаў працы на ўроках мовы і чытання з’яўляецца складанай творчай задачай, якая патрабуе з боку настаўніка глыбокіх тэарэтычных ведаў і пэўных метадычных распрацовак. Таму тэма “Лiнгваметадычныя асновы вывучэння назоўнiка на ўроках беларускай мовы ў пачатковых класах” з’яўляецца актуальнай.
Мэта даследавання: выявіць месца назоўніка ў пачатковым курсе вывучэння беларускай мовы і высветліць, якія метадычныя прыёмы і сродкі дазваляюць больш эфектыўна ўсвядосіць і засвоіць назоўнік і правапіс канчаткаў...

ЗАКЛЮЧЭННЕ
Для сучаснага чалавека беспамылковая пісьмовая мова служыць паказчыкам адукаванасці і агульнага культурнага ўзроўню. Моўныя навыкі (у тым ліку граматнасць пісьма) развіваюцца і паглыбляюцца ў пачатковай школе. У дадзенай курсавой працы было раскрыта значэнне граматычнай работы, прыведзены практычныя спосабы павышэння эфектыўнасці працы з марфалагічнымі сродкамі мовы. А таксама з дапамогай эксперымента даказана практычная эфектыўнасць гэтай працы. Такім чынам, актуальнасць тэмы была абаснавана, тэма раскрыта з лінгвістычнага і метадычнага бакоў. Мэта даследвання (тэарэтычна падрыхтавацца на аснове метадычнага мматэрыялу і практычна праверыць, як пры дадатковай працы над марфалагічным матэрыялам павышаецца эфектыўнасць усведамлення і засваення правапісу канчаткаў назоўнікаў у пачатковых класах на ўроках беларускай мовы) была паспяхова дасягнута, аб чым у другой главе былі зроблены вынікі на падставе дадзеных эксперымента. Таксама ў другой главе былі змешчаны метадычныя рэкамендацыі для вывучэння назоўнікаў у пачатковых класах.
Быў прааналізаваны марфалагічны матэрыял з падручнікаў па беларускай мове для ІІ, ІІІ, ІV класаў, праграмы для ІІ - ІV класаў школ з беларускай і рускай мовай навучання і навукова-метадычныя працы, якія служаць асновай фарміравання сучаснай методыкі навучання беларускай мове ў пачатковай школе па тэме “Назоўнік”.
У дадатку прыведзены прыкладныя практыкаванні для працы з назоўнікамі. Іх можа быць болей. Чым больш разнстайныя практыкаванні ...