Максим Багданович. Поуны збор творау. Т 1. Вершы, паэмы, пераклады,чарнавыя накиды. Минск, 1992г.

УВОДЗІНЫ
Максім Адамавіч Багдановіч (1891 -- 1917) — беларускі паэт, празаік, публіцыст, даследчык, літаратуразнавец, перакладчык, класік беларускай літаратуры. Значэнне М. Багдановіча ў ricтopыi беларускай літаратуры абумоўлена ўнікальнасцю, неардынарнасцю зместу яго паэзіі. На сваім вопыце пісьменнік даказаў важнасць i магчымасць вырашэння мастацкай звышзадачы — прабіцца да глыбіняў народнай свядомасці з іншых пластоў духоўнай культуры. [2, c. 125]
Беларуская літаратура з выпадку запозненасці свайго развіцця даволі своеасабліва дэфармавала многія працэсы, уласцівыя станаўленню мастацкай думкі наогул. Не могучы цалкам абмінуць пэўныя раннія градацыі гэтай думкі, яна сінтэзавала іх з пазнейшымі адначасова, у кароткі гістарычны прамежак і нават у творчасці аднаго мастака. Творчасць Максіма Багдановіча напоўнена вобразамі, што сталі сімваламі роднага краю, склалі такое арыгінальнае супольства, з якім асацыіруюцца і сам воблік паэта і яго жыццёвы лёс. [1, c. 7]
Максім Багдановіч імкнуўся ўвесці беларускую літаратуру ў еўрапейскі кантэкст, а таксама пазнаёміць чытача з дасягненнямі сусветнай літаратуры. У 1992--1995 гг выйшаў трохтомны збор яго твораў. У першы том уключаны вершы, пераклады, чарнавыя накіды. Ён выйшаў у 1992 г. Другі і трэці том – адпаведна ў 1993 і 1995 г. Выданне дапоўнена каментарамі літаратуразнаўцаў.

ЗАКЛЮЧЭННЕ
Максім Багдановіч пакінуў значную творчую спадчыну. Першае поўнае выданне склала 3 тамы і выйшла ў 1992--1993 гг у Мінску з дапамогай літаратуразнаўцаў Акадэміі навук Беларусі.
У дадзенай працы было апісана значэнне твораў, што ўвайшлі ў першы том, пададзены звесткі аб іх стварэнні, агульныя тэматычныя напрамкі паэзіі М. Багдановіча, вобразнасць і сінтэз у яго творчых прыёмах, апісана перакладчыцкая дзейнасць паэта, вынікам якой стала значная частка твораў першага тома “Поўнага збору твораў”.
Поўны збор твораў М. Багдановіча ўключаў усе вядомыя на той час вершы, апавяданні, пераклады, літаратурна-крытычныя i публіцыстычныя артыкулы, чарнавыя накіды i пісьмы М. Багдановча
Немагчыма пераацаніць значэнне шматграннай дзейнасці Максіма Багдановіча для развіцця беларускага прыгожага пісьменства і станаўлення беларускай літаратуры. Ужо адно тое, што Багдановіч быў першым у гісторыі нашай літаратуры, хто даў на мове беларусаў класічныя ўзоры антычнай, заходнееўрапейскай і славянскай паэзіі, з'яўляецца красамоўным сведчаннем яго велічы, наватарства, багатага таленту, шырокай эрудыцыі і высокай культуры.