Рамантызм паэмы Я. Коласа "Сымон-музыка"

Уводзіны

Сёння мы ўзгадаем таямніцы і цуды беларускай зямлі, прыўзнімем заслону яе славутай гісторыі, традыцый, даведаемся, якіх знакамітых людзей яна ўзгадавала. Вывучаць, пазнаваць, разумець сваю зямлю, яе народ, бадай, самая галоўная наша задача. Значнасць твораў Якуба Коласа заключалася ў тым,што пошук нацыянальнага характару быў звязаны не забагульненым сацыяльным тыпам, а з яркай чалавечай індывідуальнасцю. Гэта мастак, які ўнес ўклад не толькі ў літаратуру роднай краіны, але і ў сусветную. Ен шукаў магчымасць перадаць ў сваіх творах думкі і свае пачуцці, і шмат у чым дасягаюць гятай мэты дзякуючы выключна свайму майстэрству і таленту.
Шматгранная літаратурна-мастацкая спадчына Якуба Коласа – гэта неад'емная частка духоўнага набытку беларусаў, невычэрпная крыніца мудрасці, хараства і прыгажосці. Тут скандэнсаваны неацэнны маральны вопыт, які назапашваўся працоўным людам на розных этапах сваёй гісторыі. Адзін з такіх твораў , што займае адметнае месца ў нашай літаратуры, літаратуры традыцыйна сялянскай, вясковай - гэта паэма «Сымон-музыка» . Героем яе з'яўляецца мастак, музыка-самародак, для якога шырокі навакольны свет – гэта свет гукаў, таемных чароўных вобразаў. Пісьменнік даследуе працэс творчасці, паказвае нараджэнне майстра.
Мэтай работы з'яўляецца даследаванне рамантызму у паэме Я. Коласа «Сымон-музыка». У суадносінах з мэтай фармулююцца і задачы работы:
-прааналізаваць творчы шлях Я.Коласа;
- разгледзецьсутнасць рамантызму;
- вызначыць асаблівасці паэме Я. Коласа «Сымон-музыка»
Прадметам вувычэння ў дадзенай рабоце выступае паэма «Сымон-музыка», аб'ектам вывучэння выступаюць асаблівасці рамантызму.

Заключэнне

Абагульняючы, трэба адзначыць, што шлях, які прайшоў Якуб Колас, - адметны. Асноватворныя ўласцівасці яго жыцця і дзейнасці - сумленнасць, высокароднасць, нераўнадушша, імкненне дапамагчы ў цяжкіх абставінах, грунтоўнасць ва ўсіх жыццёвых праявах, вернасць сваім прынцыпам, адстойванне ў прамым ці ўскосным выглядзе ўласных поглядаў, любоў да радзімы і яе народа, клопат аб захаванні нацыянальнай самабытнасці беларусаў, аб беларускай мове, пратэст супраць рознага кшталту прыгнечання чалавека. Гэтыя якасці ў поўнай меры адбіліся на творчасці пісьменніка, які ўнёс значны ўклад у нацыянальную і сусветную літаратуру.
Сярод творчых дасягненняў найбольш важкімі з'яўляюцца пашырэнне жанравых магчымасцяў беларускай літаратуры, выкарыстанне шырокай і актуальнай тэматыкі ў паэтычных і празаічных творах, узбагачэнне паэзіі філасофскай і пейзажнай лірыкай, спалучэнне лірыкі і эпасу, закладанне асноў беларускага рамана і беларускай дзіцячай літаратуры, філасофскае асэнсаванне рэчаіснасці праз алегарычны аповед, станаўленне норм беларускай літаратурнай мовы.
Вершаваныя і празаічныя творы Коласа прадэманстравалі невычэрпныя магчымасці мастацкага, вобразнага слова, аплодненага глыбокім і шчырым пачуццём любові да жыцця, да чалавека і роднай зямлі. Прачытаўшы паэму «Сымон-музыка», можна зрабіць такі вывад: сапраўднае мастацтва з'яўляецца толькі тады, калі ёсць творчая асоба мастака, здольная выстаяць перад усімі цяжкасцямі жыцця і не згубіць свайго таленту, а знайсці яму прымяненне.