Контрольная по истории

Войны заўсёды былі “спадарожнікамі” чалавецтва. Гэта чорная старонка, на якой срозь праступае кроў байцоў, кроў партызан і падпольшчыкаў, кроў ахвяр сярод мірнага насельніцтва.
Тэма Вялікай Айчыннай вайны заўсёды застанецца адкрытай для даследаванняў. У цэлым пытанні развіцця падпольнага супраціўлення ў сучаснай гістарычнай навуцы вывучаны недастаткова грунтоўна. У будучыні варта чакаць з'яўлення навуковых прац, у якіх вывучэнню ролі савецкіх падпольшчыкаў у гады вайны будзе надавацца самая сур'ёзная ўвага. Таму даследаванне гэтай тэмы выклікае актуальнасць.
Аб’ектам кантрольнай работы з’яўляюцца працы прысвечаныя Вялікай Айчыннай вайне на тэрыторыі Беларусі. Прадметам – антыфашысцкае падпольнае супраціўленне на тэрыторыі Беларусі.
Мэта кантрольнай работы - прааналізаваць дзейнасць падпольных арганізацый у перыяд Вялікай Айчыннай вайны.
Дзеля дасягнення гэтай мэты былі пастаўлены наступныя задачы:
- даць агульную характарыстыку партыйнаму, камсамольскаму антыфашысцкаму падполлю на тэрыторыі Беларусі, а таксама яго арганізацыйнай структуры і складу;
- прасачыць ролю гарадскіх падпольных арганізацый у стварэнні партызанскіх атрадаў і брыгад.
- разгледзець ролю падпольшчыкаў у знішчэнні В.Кубэ

Аналіз такой гістарычнай з’явы перыяду Вялікай Айчыннай вайны, як дзейнасць антыфашысцкага падполля на часова акупаванай немцамі тэрыторыі Беларусі, сведчыць, што падполле з пачатку і да канца свайго існавання (а праз яго за гады вайны прайшло звыш 70 тыс. чалавек) было цесна звязана з народнымі масамі, абапіралася на іх пастаянную падтрымку і канкрэтную дапамогу.
У яго ўзнікненні і дзейнасці вялікую ролю адыгралі камуністы, што знаходзіліся ў варожым тыле і карысталіся даверам мясцовага насельніцтва. Сведчаннем гэтага з’яўляецца і той факт, што за тры гады варожай акупацыі ў партыю непасрэдна на акупаванай тэрыторыі Беларусі ўступіла звыш 12,5 тыс. патрыётаў.