Рэспубліка Беларусь у 21 стагодді

Пачатак 3 тысячагоддзя з’яўляецца для Рэспублікі Беларусь важнейшым этапам, на якім наша краіна ўпэўнена крочыць па шляху дзяржаўнага будаўніцтва, абраным у сярэдзіне 90-х гадоў ХХ ст. Галоўнай мэтай гэтага развіцця працягвае заставацца дасягненне дабрабыту народа і ўмацаванне стабільнасці ў краіне.
У 2000 г. на дэмакратычнай аснове прайшлі выбары дэпутатаў Нацыянальнага схода Рэспублікі Беларусь. Старшынёй Палаты прадстаўнікоў быў абраны У. Папоў, намеснікам – У. Канаплёў. Старшынёй Савета Рэспублікі стаў А. Вайтовіч, яго намеснікам – М. Аўласевіч [6, с. 412].
7 чэрвеня 2001 г. палата прадстаўнікоў Нацыянальнага сходу прыняла пастанову “Аб прызначэнні выбараў Прэзідэнта Рэспублікі Беларусь і аб арганізацыйных мерапрыемствах па забеспячэнні іх правядзення”. Яны адбыліся 9 верасня 2001 г. Барацьбу за гэтую пасаду спачатку вялі 25 прэтэндэнтаў, якія падалі спісы ініцыятыўных груп у Цэнтрвыбаркам [2, с. 640].
Асноўнай кандыдатурай быў сам прэзідэнт А.Р. Лукашэнка, а апазіцыйны блок вылучыў адразу некалькі чалавек: экс-прэм’ер-міністра М. Чыгіра, кіраўніка грамадскага аб’яднання “Рэгіянальная Беларусь”, былога савецкага работніка С. Домаша, старшыню Федэрацыі прафсаюзаў беларускай У. Ганчарыка. Аб сваіх намерах балаціравацца кандыдатамі на пасаду прэзідэнта заявілі кіраўнікі Партыі камуністаў беларускай С. Калякін, ...

Гэтыя ж кірункі пераважалі і ў творах манументальнага мастацтва. У беларускіх гарадах з’явіліся помнікі адметным асобам беларускай гісторыі – К. Тураўскаму ў Тураве, Е. Полацкай ў Полацку, Мінску і Рэчыцы, С. Полацкаму ў Полацку, Я. Драздовічу і М. Гарэцкаму ў Мінску, Н. Орду ў Іванава, М. Шагалу ў Віцебску.
Па меркаванню некаторых даследчыкаў, беларуская мастацкая культура канца ХХ – пачатку ХХІ ст. набыла пэўныя рысы рамантызму [1, с. 167].
Архітэктура таксама характарызавалася адраджэннем гістарычных і нацыянальных традыцый у спалучэнні з новымі матэрыяламі, архітэктурнымі ідэямі і будаўнічымі тэхналогіямі. Да найбольш цікавых архітэктурных комплексаў дадзенага перыяда можна аднесці будынкі Палаца Рэспублікі, аўтавакзала “Маскоўскі”, новага чыгуначнага вакзала.
Актыўная работа праводзілася па рэстаўрацыі архітэктурных помнікаў мінулых стагоддзяў, у прыватнасці, Мірскага, Лідскага замкаў, Нясвіжскага палаца, Барысаглебскай царквы ў Гродна і інш. [1, с. 168].
Усе гэта дазваляе зрабіць вывад аб паспяховым развіцці беларускай культуры ў пачатку XXI ст, наяўнасці творчага спалучэння ў ёй нацыянальных традыцый і дасягненняў сучаснасці.


...