Сродкі навучання беларускай мове

УУводзіны

Вядома, што методыка выкладання беларускай мовы прадстаўляе сабой навуку аб мэтах і задачах, змесце, метадах і сродках навучання беларускай мове як вучэбнаму прадмету.
Яшчэ ў ВНУ будучыя настаўнікі дакладна разумеюць, што ім неабходна давесці да ведама вучняў, наколькі важна ведаць мову сваёй краіны, свайго народа, валодаць рознымі відамі маўленчай дзейнасці, якія перспектывы ў будучай працы, незалежна ад таго, кім стане кожны вучань, адкрывае высокі ўзровень маўленчай асобы, яго моўныя камунікатыўныя здольнасці. Нельга пакінуць без увагі і такі аспект праблемы, як месца кожнага народа ў свеце, калі кожны грамадзянін Беларусі павінен ведаць мову беларускага народа, які адзіны і непаўторны ў моўным сусвеце, калі кожны павінен ганарыцца сваім народам і яго мовай як асноўным паказчыкам і выразнікам нацыянальнай адметнасці.
Каб дзеянні настаўніка былі найбольш эфектыўнымі, ці аптымальнымі, методыка выкладання беларускай мовы тлумачыць, якімі менавіта метадамі, спосабамі, прыёмамі яму варта карыстацца, як спалучаць іх, як паводзіць сябе ў класе, каб дабівацца пастаўленай мэты. Іншымі словамі, методыка вучыць настаўніка свядома кіраваць вучэбным працэсам, у тым ліку – свядома арганізоўваць свае дзеянні так, каб вучэбны працэс даваў найлепшыя вынікі.
Сёння методыка мовы прапануе даволі значную колькасць метадаў, прыёмаў і спосабаў навучання беларускай мове. Дадзенымі пытаннямі займаліся такія даследчыкі як Л.М. Бажэнава, Е.А. Бандарэнка, П.Н. Усаў, А.У. Фёдараў і інш.
Такім чынам, аб’ектыўныя патрэбнасці развіцця сучаснага грамадства абумовілі стварэнне і прымяненне ў сістэме адукацыі розных сродкаў навучання. Гэтым і тлумачыцца актуальнасць тэмы курсавой работы.
Аб’ект даследавання – методыка выкладання беларускай мовы.
Прадмет даследавання –сістэма сродкаў навучання роднай мове.
Мэта дадзенай курсавой работы – разгледзець змест і структуру сродкаў навучання беларускай мове.
У якасці гіпотэзы выступае думка аб тым, што шырокае выкарыстанне...

Заключэнне

Дадзеная курсавая работа была прысвечана сродкам навучання беларускай мове. У ходзе працы над тэмай была дасягнута пастаўленая мэта шляхам рэалізацыі расрацаваных задач: вывучана літаратура па зададзенай тэматыцы; раскрыта сутнасць паняцця “сродкі навучання” як базіснай катэгорыі методыкі; разгледжаны змест і структура сістэмы сродкаў навучання беларускай мове; акрэслены прынцыпы выкарыстання сродкаў навучання на ўроках мовы; выяўлены асаблівасці выкарыстання аўдыявізуальных і тэхнічных сродкаў навучання для выкладчыка і навучэнцаў, а таксама педагагічныя ўмовы эфектыўнага фарміравання аўдыявізуальнай культуры.
Разнастайныя сродкі навучання дапамагаюць настаўніку вырашаць пастаўленыя задачы ўрока, кіраваць пазнавальна-практычнай дзейнасцю вучняў, спрыяюць фарміраванню ў іх навыкаў і ўменняў, робяць больш эфектыўнымі працэсы навучання і авалодання мовай, спрашчаюць іх, разам з жывым словам педагога з’яўляюцца важным кампанентам адукацыйнага працэсу.
У структурным плане вылучаны сродкі навучання беларускай мове для выкладчыка (адукацыйны стандарт, вучэбная праграму, кніга для выкладчыка, даведнікі, навуковаю і метадычнаю літаратура); сродкі навучання беларускай мове для навучэнцаў (падручнік, хрэстаматыя, дапаможнік па развіцці маўлення, зборнікі практыкаванняў, слоўнікі); сродкі навучання беларускай мове, якія ў аднолькавай ступені адрасуюцца як выкладчыку, так і навучэнцам, – аўдыявізуальныя і тэхнічныя (фанаграмы, відэаграмы, відэафанаграмы, гукатэхнічныя, святлотэхнічныя і інш.). Калі сістэма аўдыявізуальных сродкаў навучання індывідуальная, г.зн. прызначана для працы з пэўным навучальным комплексам і разлічана на вызначаны кантынгент навучэнцаў, то сістэма тэхнічных сродкаў навучання ў значнай меры ўніверсальная і прыдатная для ўжывання пры розных формах і відах навучання.
У рабоце разгледжаны прынцыпы выкарыстання сродкаў навучання (улік узроставых і псіхалагічных асаблівасцяў навучэнцаў; гарманічнае выкарыстанне разнастайных сродкаў...