Леу Сапега палитычны дзеяч и аутар Статута Вяликага княства Литоускага.

"Не дай вам Бог жыць у эпоху перамен", сцвярджалі старажытныя кітайцы. Жыццё Льва Сапегі з нараджэння і да смерці прайшло менавіта ў эпоху гэтых пераменаў. Ён нарадзіўся ў адной дзяржаве - Вялікім княстве Літоўскім, а памёр ужо Вялікім палітычным дзеячам Рэчы Паспалітай... Яго род, род Сапегаў - адзін з самых шматлікіх родаў Вялікага княства Літоўскага, затым Рэчы Паспалітай, а затым разадранай на тры часткі Польшчы. Па значнасці род Сапегаў быў другім пасля Радзівілаў [8, с. 24]. Самым вядомым прадстаўніком роду Сапегаў і з'яўляўся Вялікі канцлер Вялікага княства Літоўскага, яго Вялікі Гетман Леў Іванавіч Сапега (1557-1633). Леў Сапега нарадзіўся 4 Красавіка 1557г. у Астроўна, (цяпер Бешанковіцкі раён Віцебскай вобласці). Нарадзіўся ён у праваслаўнай сям'і, але пазней перайшоў у кальвінізм, а ў 1588г. нават прыняў каталіцтва. Ва ўзросце сямі гадоў бацькі адправілі яго ў Нясвіж, рэзідэнцыю найбольшага магната, Вялікага канцлера Вялікага княства Літоўскага Мікалая Радзівіла-Чорнага, каб хлопчык атрымаў адпаведную свайму статусу адукацыю. Некалькі гадоў ён пражыў тут у грамадстве аднагодкаў - малодшых дзяцей Радзівіла-Чорнага. У 1570 г. разам з трыма малодшымі сынамі Мікалая Радзівіла яго накіравалі на тры гады ў Германію вучыцца ў Лейпцыгскім універсітэце, дзе пад уплывам Рэфармацыі адмовіўся ад праваслаўя і стаў пратэстантам (кальвіністам). Па заканчэнні Лейпцыгскага універсітэта Леў вярнуўся на радзіму выдатна падрыхтаваным правазнаўцам, дыпламатам і філосафам. Ён свабодна валодаў як сучаснымі мовамі (нямецкай, польскай і беларускай), так і навуковымі - грэцкай і лацінскай [8, с. 25]...

1. Асветнікі зямлі Беларускай: Энцыклапедычны даведнік / Беларуская энцыклапедыя; Рэдкалегія: Г.П. Пашкоў і інш. – Мн.: БелЭН, 2001. – 496 с.: іл.
2. Беларуская Энцыклапедыя: У 18 т. Т. 14. / Беларуская энцыклапедыя; Рэдкалегія: Г.П. Пашкоў і інш. – Мн.: БелЭН, 2002. – 512 с.: іл.
3. Большая Советская Энциклопедия: В 30 т. Т. 22. / Советская Энциклопедия; Редколлегия: А.М. Прохоров (главный редактор) и др. – М.: Советская Энциклопедия, 1975. – 628 с.: ил.
4. Славутыя імены Бацькаўшчыны: Зборнік. Выпуск 1. / Складальнікі: Ул. Гілеп і інш.; Рэдкал.: А. Грыцкевіч (галоўны рэдактар) і інш. – Мн.: БФК, 2000. – 384 с.
5. Энцыклапедыя гісторыі Беларусі: У 6 т. Т. 6. Кн. 1. / Беларуская энцыклапедыя; Рэдкалегія: Г.П. Пашкоў (галоўны рэдактар) і інш. – Мн.: БелЭН, 2001. – 592 с.: іл.
6. Караткевіч В.Б., Кулагін А.М. Помнікі Слоніма. – Мн.: Навука і тэхніка, 1983. – 103 с.: іл.
7. Масленицина И. Патриотический провинциализм // Слонімскі веснік. – 1999. - № 165, 168.
8. Супрун В. Леў Сапега // Слонімскі веснік. – 1993. - № 10.
9. Супрун В.Р. Дзеі над Шчарай: (З гісторыі зямлі Слонімскай). – Слонім: ГАУПП “Слонімская друкарня”, 2000. – 168 с.: іл.Тарасаў С. Леў Сапега // Беларусь. – 1995. - № 11.