Тэрмiналагiчная лексiка. Паняцце тэрмiнасiстэма.

Каб нацыянальная мова магла паспяхова выконваць свае функцыі, яна павінна поруч з іншымі стылямі мець развіты навуковы стыль. Імклівы рост абмену інфармацыі, пашырэнне міжнародных моўных зносін і практыка машыннага перакладу вельмі востра ставяць на парадак дня праблему стандартызацыі тэрміналогіі. Аднак вырашыць гэтую праблему толькі на ўзроўні сінхраніі немагчыма.

Развіццё ў ізаляцыі ад міравой супольнасці немагчыма, таму перад беларускімі даследчыкамі стаіць задача добра ведаць іншыя мовы, каб ажыццяўляць абмен навукова-тэхнічнай інфармацыяй на сусветным узроўні. Прыярытэтнымі з’яўляюцца нацыянальна арыентаваная моўная палітыка, высокі ўзровень выкладання беларускай мовы ў школах, дзяржпадтрымка арганізацый, выдавецтваў, прыватных асоб па рэалізацыі ініцыятыў па выкарыстанню беларускай мовы ў сферы навукова-тэхнічнай галіны ведаў. Неабходнай умовай выкарыстання тэрміналагічнай сістэмы беларускай мовы на практыцы з’яўляецца ўпарадкаванне беларускай навукова-тэхнічнай тэрміналогіі і добрае інфармацыйна-даведачнае забеспячэнне.