Маладзёжны слэнг у беларускай мове

УВОДЗІНЫ
На думку навукоўцаў беларуская мова прысутнічае ва ўсіх сферах жыцця грамадства, але не ў той ступені, як таго хацелася б. Яна выкарыстоўваецца ў час набажэнстваў, у Інтэрнэце, функцыяніруе не толькі яе літаратурная разнавіднасць, але і студэнцкі, маладзёжны слэнг, жаргон. На сенняшні дзень існуюць розныя меркаванні наконт развіцця беларускага моладзевага слэнгу. Паводле аднаго з іх, беларускі слэнг вабіць, бо зьяўляецца, па сутнасці, элемэнтам апазыцыйнай культуры. Паводле іншых меркаванняў, беларускі моладзевы слэнг ажыўляе беларускую мову і з’яўляецца фактам яе развіцця і ўжывання.
Маладзёжны слэнг — сацыяльны дыялект маладых людзей, прыкладна ад 13 да 23 гадоў, які ўзнік як проціпастаўленне афіцыйнай мове. Маладзёжны слэнг адрозніваецца размоўнай, часам грубай афарбоўкай. Вельмі хутка ен абнаўляецца ў залежнасці ад змены пакаленняў. Моладзевы слэнг як кампанент зносін паміж людзьмі пэўнага ўзросту, заняткаў выклікае цікавасць сваёй экспрэсіяй і эмацыянальнай афарбоўкай. Ён уяўляе сабой не толькі вялікі лексічны, але і фразеалагічны пласт.

ЗАКЛЮЧЭННЕ
Такім чынам, ужыванне беларускага моладзевага слэнгу выклікае шмат спрэчных пытанняў. Адны навукоўцы і словазнаўцы лічуць, што моладзевы слэнг і жаргон – гэта найчасцей грубае і непрыемнае змяненне літаратурных слоў, і маладзёжны слэнг развіваецца побач з літаратурнымі нормамі як свайго роду маўленчая канфрантацыя. Сённяшняе вуснае маўленне некаторых маладых людзей – гэта кангламерат або увогуле рознастылёвая “трасянка”. Іншыя навукоўцы лічуць, што развіцце і ужыванне менавіта беларускага моладзевага слэнгу робіць мову прыкметнай, разнастайнай і эмацыянальнай і, што найбольш важна, з’яўляецца прыкметай ужывання беларускай мовы у розных сферах. Але і будучыня айчыннага слэнгу знаходзіцца ў наўпроставай залежнасці ад распаўсюду беларускай мовы. Цяпер саму беларускую мову можна назваць у пэўнай ступені слэнгам, сацыяльным дыялектам, бо яна пакуль не абслугоўвае ўсе сфэры жыцця.
Станоўчым момантам у развіцці беларускага слэнгу з’явілася выданне слоўніка маладзежнага слэнгу. Ен складзены на аснове гутарковай мовы беларускамоўнай моладзі і ўтрымлівае запазычанні з ангельскай мовы, адаптаваныя беларускамоўнымі носьбітамі.